1 İyun - Uşaqların Beynəlxalq Müdafiəsi Günü münasibətilə Lənkəranda "Hər uşaq bir çiçəkdir, gülümsəyir günəşə" adlı əyləncəli-musiqili uşaq festivalı təşkil olunacaq.
Cenublu.az xəbər verir ki, festival Lənkəran-Astara Regional Gənclər və İdman İdarəsi, Lənkəran-Astara Regional Mədəniyyət İdarəsi, Lənkəran-Astara Regional Təhsil İdarəsi və Dosa Mall ticarət mərkəzinin birgə təşkilatçılığı ilə keçiriləcək.
Tədbir çərçivəsində uşaqlar üçün maraqlı və əyləncəli proqramlar təqdim olunacaq. Belə ki, balacalar mahnılar ifa edəcək, rəqs nömrələri ilə çıxış edəcək və müxtəlif şou proqramlarda iştirak edəcəklər.
Şən əhval-ruhiyyə ilə keçəcək festival 30 may - 1 iyun tarixlərində Dosa Mall ticarət mərkəzində baş tutacaq. Tədbir hər gün saat 11:00-dan etibarən başlayacaq.
Təşkilatçılar bütün uşaqları və valideynləri bayram tədbirinə qatılmağa dəvət edirlər.
