Lənkəran şəhərinin M.Axundzadə küçəsinin sakinləri zibil qutularının yoxluğundan narazıdırlar.
Sözügedən küçədə yaşayan sakinin Cenublu.az-a ünvanladığı şikayətdə bildirilir ki, “zibil qutuları illərdir, yoxdur. Sakinlər şəhərin mərkəz hissəsində yolun kənarına zibil atmağa məcbur qalırlar”.
Onun sözlərinə görə, adıçəkilən küçədə yerləşən Qala xiyabanı parkının hasarına yaxın əraziyə atılan tullantılar həm mənzərəni pozur, həm də ətrafa pis qoxu yayılmasına səbəb olur. Bundan əlavə, itlər və pişiklər də ətrafa səpələnən zibil paketlərini parçalamaqla mövcud vəziyyəti daha da pisləşdirir.
Sakinlər illərlə davam edən bu problemin həll edilməsi üçün aidiyyəti qurumların öhdələrinə düşən vəzifələrini layiqincə yerinə yetirmələrini istəyirlər.
