Yardımlı rayonunda daş dövrünə aid mağara mövcuddur.
Cenublu.az xəbər verir ki, Yardımlı rayonunun Allar kəndində Viləş çayın sol sahilində yerləşən Allar mağarası insanların daş dövründə (orta paleolit) yaşadıqları məskən olub.
Allar mağarası 1500 metr yüksəklikdə yerləşir.
Mağara 1993-cü ildə Azərbaycan Elmlər Akademiyasının Arxeologiya və Etnoqrafiya İnstitutu tərəfindən təşkil edilən və A.Q.Cəfərovun rəhbərlik etdiyi ekspedisiya zamanı aşkarlanıb.
Araşdırmalar nəticəsində mağaradan 9 daş əmək aləti tapılmışdı. Texniki və tipoloji baxımından alətlər orta paleolit dövrünə aiddir.
