Daxili işlər naziri general-polkovnik Vilayət Eyvazov Masallı Rayon Polis Şöbəsində vətəndaş qəbulu keçirib. Bu haqda məlumatı Cenublu.az bu gün, 11 oktyabr tarixində verir.
Nazir səfərin əvvəlində Heydər Əliyevin abidəsini ziyarət edib. Daha sonra o, Masallı, Yardımlı, Lerik, Astara, Lənkəran şəhər və rayonlarının 95 sakinini qəbul edib, onların müraciətlərini dinləyərək, aidiyyəti şəxslərə tapşırıqlar verib. Müraciətlərin əksəriyyəti yerindəcə öz həllini tapıb.
Həmçinin səfər çərçivəsində general-polkovnik V.Eyvazov bölgə üzrə polis orqanlarında sıravi və kiçik rəis heyətinə xidmətə qəbulla bağlı sıra baxışı keçirib.
Sıra baxışı zamanı xidmətə qəbulun şərtlərinə uyğun gələn 71 nəfər seçim turunun növbəti mərhələsinə buraxılıb. Onlardan 18-i Vətən müharibəsi iştirakçısıdır.
