Bu gün Vətən müharibəsi şəhidi Nemət Cavadlının doğum günüdür.
Nemət Cavadlı 1995-ci il iyunun 3-də İmişli rayonunda anadan olub. O, 2016-cı ilin 2-5 aprel tarixlərində baş vermiş Aprel döyüşlərində iştirak edib.
Vətən müharibəsi zamanı Füzuli, Cəbrayıl, Kəlbəcər və Şuşa uğrunda gedən döyüşlərdə qəhrəmanlıqla vuruşub. Döyüşlər zamanı düşmənə məxsus 17 hərbi texnikanı məhv edib.
Nemət Cavadlı Kəlbəcərdən Şuşayadək şərəfli döyüş yolu keçib. O, oktyabrın 31-də Şuşa uğrunda gedən döyüşlər zamanı Topxana meşəsi ərazisində şəhidlik zirvəsinə ucalıb. Şəhid olduğu gün düşmənin daha 3 hərbi texnikasını məhv edib.
Ölümündən sonra "Vətən uğrunda", "Xocavəndin azad olunmasına görə", "Kəlbəcərin azad olunmasına görə" medalları və "Qarabağ" ordeni ilə təltif edilib.
