Bu gün Neftçala rayonundan olan Vətən müharibəsi şəhidi Rauf Süleymanovun doğum günüdür.
Rauf Süleymanov 1987-ci il mayın 29-da Neftçala rayonunun Abasallı kəndində anadan olub. Ailəli idi. Ondan bir qızı yadigar qalıb.
Vətən müharibəsi zamanı Cəbrayıl və Füzuli rayonlarının azadlığı uğrunda gedən döyüşlərdə iştirak edib. O, oktyabrın 5-də Füzuli istiqamətində gedən döyüşlər zamanı şəhid olub.
Şəhid Rauf Süleymanov Neftçala rayonunun Abasallı kəndində dəfn edilib.
O, ölümündən sonra "Vətən uğrunda" və "Cəbrayılın azad olunmasına görə" medalları ilə təltif olunub.
