Bu gün, 9 noyabr Masallıdan olan şəhid İntiqam Əsgərlinin şəhadətə ucaldığı gündür.
Bununla bağlı şəhid qardaşlar – Əsgərli İntiqam Bayram oğlu və Əsgərli Nurlan Bayram oğlunun məzarları və ailə üzvləri ziyarət olunublar.
Qeyd edək ki, 9 noyabr 2020-ci ildə Şuşa istiqamətində gedən döyüşlərdə şəhid olan Əsgərli İntiqam 4 aprel 2016-cı ildə Talış kəndi istiqamətində döyüş tapşırığını yerinə yetirərkən həlak olan qardaşı - Nurlan Əsgərlinin nəşini döyüş meydanından çıxarıb.
Azərbaycan Ordusunun Xüsusi Təyinatlı Qüvvələrinin giziri olan İntiqam Əsgərliyə Azərbaycan Prezidenti İlham Əliyevin 09.12.2020-ci il tarixli Sərəncamına əsasən, ölümündən sonra "Vətən Müharibəsi Qəhrəmanı" adı verilib.
