Ölümlə nəticələnən yol qəzası törətməkdə təqsirləndirilən Telman Muxtarzadənin barəsindəki qərardan kassasiya şikayəti verilib. İşə Ali Məhkəmədə hakim İlkin Abdullayevin sədrliyi ilə baxılacaq.
Hadisə 2024-cü il oktyabrın 15-də Biləsuvar-Bəhramtəpə avtomobil yolunda baş verib. İddiaya görə, Telman Muxtarzadənin idarə etdiyi "Scania" markalı yük avtomobili ilə İkram Əliyevin idarə etdiyi "KamAZ" toqquşub. Qeyd olunur ki, "KamAZ" yolun əks istiqamətinə çıxıb.
Qəza nəticəsində İkram Əliyev aldığı xəsarətlərdən hadisə yerində ölüb. Faktla bağlı Cinayət Məcəlləsinin 263.2-ci maddəsi ilə cinayət işi başlanıb.
Biləsuvar Rayon Məhkəməsi Telman Muxtarzadəyə bəraət verib. Həmin qərardan kassasiya şikayəti verildiyindən iş yenidən məhkəmə müstəvisinə çıxarılıb.
Mənbə: pravda.аz
