Bu gün Azərbaycanın teatr və kino aktyoru, Xalq artisti Nurəddin Mehdixanlının 70 yaşı tamam olur. 1956-cı il oktyabrın 6-da Cəlilabad rayonunun Tahirli kəndində anadan olan sənətçi uzun illər Akademik Milli Dram Teatrının səhnəsində çıxış edib və həm teatr, həm də kinoda çoxsaylı yaddaqalan obrazlar yaradıb.
"Dədə Qorqud" çoxseriyalı televiziya filmində Bayandur xan, "Bəyaz həyat"da Vüqar Quliyev rollarına çəkilib.
Azərbaycan teatrının inkişafında xidmətlərinə görə 2016-cı il oktyabrın 6-da Azərbaycan Respublikası Prezidentinin fərdi təqaüdünə layiq görülüb.
"Şöhrət" ordeni və "Heydər Əliyevin 100 illiyi (1923–2023)" yubiley medalına layiq görülüb.
