TƏBİB vakansiyalar elan edib.
Cenublu.az xəbər verir ki, TƏBİB tabeliyində olan Respublika Təcili və Təxirəsalınmaz Tibbi Yardım Mərkəzinə Astara, Cəlilabad, Lənkəran və Masallı rayonları üçün Təcili və təxirəsalınmaz tibbi yardım həkimi vəzifəsi üzrə yerlər elan edildiyi bildirilib.
Uyğun namizədlər ali tibb təhsilinə malik olmalıdırlar. Sahə üzrə staj tələbinin olmadığını bildirən TƏBİB qüvvədə olan sertifikasiya şəhadətnaməsi, BLS və ALS proqramları üzrə sertifikatların olmasının arzuolunanlığını vurğulayıb.
Tələb olunan sənədlər:
- Şəxsiyyəti təsdiq edən sənədin surəti
- Əsas (baza ali) tibb təhsili haqqında sənədin surəti (diplom), xaricdə təhsil almış namizədlərin ali tibbi təhsil sahəsində ixtisasları Azərbaycan Respublikasında ekvivalentliyi müəyyən edilməklə (nostrifikasiya olunmaqla)
- Xarici dövlətlərdə təhsil alan şəxslər üçün işə buraxılma haqqında şəhadətnamənin surəti (namizədin işə qəbulunun rəsmiləşdirilməsi zamanı tələb olunacaq)
- Sertifikasiya şəhadətnaməsinin surəti (sertifikasiyadan keçməkdən qanunvericiliklə nəzərdə tutulmuş azadolma halları istisna olmaqla)
Müraciət qaydası:
- CV [email protected] ünvanına göndərilməlidir
- Mövzu sətrində müraciət etdiyiniz vəzifənin adı və iş yeri (TTY üzrə həkim-müvafiq rayonun adı) qeyd olunmalıdır
- Müraciət edən namizədlərin CV-ləri seçim üçün ilkin baxışdan keçiriləcəkdir. İlkin CV seçimi zamanı qeyd edilən şərtlərə uyğun namizədlərlə e-poçt və / və ya telefon vasitəsilə əlaqə saxlanılaraq müsabiqəyə dəvət olunacaqlar.
Əlavə məlumat üçün:
https://tabib.gov.az/vetendashlar-ucun/vakansiyalar/138
