Bu gün Vətən müharibəsi şəhidi Mahmud Məlikovun doğum günüdür.
Mahmud Məlikov 1994-cü il aprelin 3-də Neftçala rayonunun Xol Qaraqaşlı kəndində anadan olub. Ailənin yeganə oğul övladı olan Mahmud subay idi.
Vətən müharibəsi başlayandan döyüşlərə qatılıb. Bir çox qəhrəmanlıqlar göstərib və 29 oktyabr 2020-ci ildə Füzuli istiqamətində gedən döyüşlərdə qəhrəmancasına şəhid olub. O, doğulub boya-başa çatdığı Neftçala rayonunda son mənzilə yola salınıb.
Ölümündən sonra "Vətən uğrunda", "İgidliyə görə", "Füzulinin azad olunmasına görə" medalları və III dərəcəli "Vətənə xidmətə görə" ordeni ilə təltif edilib.
