Arzu Əliyeva Sübhan Rahim oğlu Cəbrayılov adına Salyan Peşə Liseyinin direktoru vəzifəsinə təyin edilib.
Arzu Əliyeva 2012-ci ildə Bakı Avrasiya Universitetinin "Azərbaycan dili və ədəbiyyatı" ixtisası üzrə bakalavriat pilləsini bitirib. Hazırda Azərbaycan Dövlət İqtisad Universitetində "Dövlət və bələdiyyə idarəetməsi" ixtisası üzrə əlavə təhsil alır.
Əmək fəaliyyəti ərzində Saatlı və Salyan rayonlarının ümumi təhsil müəssisələrində müəllim, direktor müavini və direktor vəzifələrində çalışıb.
Arzu Əliyeva 30 aprel 2024-cü ildə Salyan rayonunun Çadırlı kənd ümumi orta məktəbinə təlim-tərbiyə işləri üzrə direktor müavini təyin olunub. O, 15 iyun 2025-ci ildən həmin məktəbin direktoru vəzifəsində fəaliyyət göstərib. İndi isə fəaliyyətini Sübhan Rahim oğlu Cəbrayılov adına Salyan Peşə Liseyinin direktoru kimi davam etdirəcək.
