Sabirabad rayonunda kənd yollarının işıqlandırılması ilə bağlı problemlər yaranıb.
Oxu.аz xəbər verir ki, əksər kənd yollarının kənarlarında işıq dirəkləri yeni quraşdırılsa da, işıqlandırma uzun çəkməyib. Bir müddət aktiv olan sistem sonradan qeyri-müəyyən səbəblərdən dayandırılıb.
Məsələ ilə bağlı Sabirabad Rayon İcra Hakimiyyətindən bildirilib ki, hazırda elektrik enerjisi üçün ayrılan limit tükənib.
Qurumdan verilən məlumata görə, bir çox kəndlərdə işıq dirəkləri ötən ilin sonlarında quraşdırılıb. Lakin enerji limiti bitdiyindən işıqlandırma dayandırılıb. Bununla bağlı Nazirlər Kabinetinə müraciət edilib və müvafiq sənədlər hazırlanıb.
Qeyd olunub ki, 2026-cı il üçün enerji limiti ayrıldıqdan sonra bütün kənd yollarının işıqlandırılması bərpa ediləcək. Bunun üçün əlavə vəsaitin ayrılması nəzərdə tutulur.
