Cəlilabad Rayon İcra Hakimiyyətinin başçısı Rafiq Cəlilovun növbəti səyyar qəbul-görüşü Xəlilli kənd sakinləri ilə baş tutub. Bu haqda məlumatı Cenublu.az bu gün, 26 sentyabr tarixində verir.
Görüşdə rayon İcra Hakimiyyəti aparatının məsul şəxsləri, hüquq-mühafizə orqanlarının rəhbərləri, yerli idarə və müəssisələrin nümayəndələri də iştirak ediblər.
Rayon rəhbəri yerli sakinlərin bütün istək və qayğılarını dinləyib, İcra Hakimiyyətinin səlahiyyətlərinə aid olan məsələlərin yerindəcə həll olunmasına dair göstərişlərini verib, İcra Hakimiyyətinin səlahiyyətləri xaricində olan məsələlər barədə aidiyyəti qurumlara rəsmi müraciət olunmasını tapşırıb.
