Astara rayon İcra Hakimiyyətinin başçısı Qəzənfər Ağayev ucqar dağ kəndlərindən olan Asxanakəran kənd inzibati ərazi dairəsi üzrə nümayəndəliyinin Azaru kəndində sakinlərlə səyyar qəbul-görüş keçirib. Bu haqda məlumatı Cenublu.az bu gün, 14 oktyabr tarixində verir.
Görüşdə rayonun idarə və müəssisələrinin rəhbərləri iştirak ediblər.
İcra başçısı bildirib ki, son illər Azaru kəndində xeyli işlər görülüb. Kəndə asfalt yol çəkilib, məktəb binası tikilib, əvvəllər Lerik rayonu ərazisindən çəkilən yüksəkgərginlikli elektrik xətti ləğv edilərək Siyaku kəndi ərazisindən yeni elektrik xətti çəkilib.
Sakinlər görülən işlərlə yanaşı, odun yanacağının verilməsinə, yağan güclü yağışlar nəticəsində sürüşərək fərdi yaşayış evinin divarına söykənən torpaq kütləsinin təmizlənməsinə köməklik göstərilməsini xahiş ediblər.
İcra başçısı müraciətlərin müsbət həlli istiqamətində tədbirlərin görülməsi üçün aidiyyəti üzrə tapşırıqlar verib.
