Lənkəranda qanunsuz qaydada ağac kəsimi faktları müşahidə edilib. Bu haqda bu gün, 24 fevral tarixində Cenublu.az Report.az-a istinadən xəbər verir.
Dövlət Ekoloji Təhlükəsizlik Xidmətindən verilən məlumata əsasən, “Profco” MMC rayonun Təngivan kəndində qanunsuz ağac kəsimi ilə məşğul olub. Faktla bağlı akt tərtib edilib.
Yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün fakt üzrə toplanmış sənədlər Baş Prokurorluğa göndərilib.
Qeyd edək ki, adıçəkilən şirkətin Lənkərançay ərazisində çınqıl-daş karxanasının qanunsuz fəaliyyəti ilə bağlı fikirlər səslənir.
