Cenublu.az-ın budəfəki həmsöhbəti lənkəranlı gənc, Prezident təqaüdünə layiq görülən Nihad Namazov oldu.
Nihad deyir ki, universitetə qəbul imtahanlarından 685.2 bal toplayıb. O, Lənkəran şəhər 6 nömrəli məktəb-liseyi fərqlənmə attestatı ilə bitirib və bunu müəllimlərinə və sinif yoldaşlarına borclu olduğunu bildirib.
O, hələ imtahanlardan öncə Bakı Ali Neft Məktəbinin (BANM) Kimya mühəndisliyi ixtisası üzrə təhsil almaq arzusunda olduğunu deyir və müsabiqədən sonra oraya da qəbul olunub. Universitetə hazırlaşan abituriyentlərə isə Prezident təqaüdçüsü bunları məsləhət görüb:
“Məktəbdən bacardığınız qədər faydalanın. Öyrənmənin ən effektiv yolu isə dostlarınızla birlikdə öyrənməkdir. Dərsləri telefondan oxumaqdansa, dəftərə qeyd edə-edə öyrənin”.
“Təhsilimi kimya texnologiyaları üzrə davam etdirməyi düşünürəm”, - deyən Nihad, BANM-da və ya universitetin istiqamətləndirməsilə xarici universitetlərdə magistratura təhsili almağı planlaşdırdığını bildirib.
Zəhra Vüsalqızı
