Neftçala rayonunda uzun illər pedaqoji fəaliyyətdə olan Cəmilə Bəşirova dünyasını dəyişib.
Bəşirova Cəmilə Bəşir qızı 1952-ci il iyun 6-da Neftçala şəhərində anadan olub.
O, əmək fəaliyyətinə 1971-ci ildə Oryad kənd məktəbində ibtidai sinif müəllimi kimi başlayıb. Gənc yaşlarından seçdiyi peşəyə böyük sevgi və məsuliyyətlə yanaşan Cəmilə müəllimə qısa müddətdə özünü bacarıqlı pedaqoq kimi təsdiqləyib.
1973-cü ildən etibarən isə Neftçala şəhər 1 nömrəli tam orta məktəbdə fəaliyyətini davam etdirib. Uzun illər bu təhsil ocağında çalışan müəllimə dərin biliyi və pedaqoji ustalığı ilə həm şagirdlərinin, həm də həmkarlarının böyük hörmətini qazanıb.
Allah rəhmət eləsin!
