Mənzil İnşaatı Dövlət Agentliyinin (MİDA) növbəti layihəsi – Sumqayıt Yaşayış Kompleksi və Lənkəran Yaşayış Kompleksində mənzillərin güzəştlə satışı başa çatıb.
Cenublu.az xəbər verir ki, mənzillər 35 saniyə müddətində satılıb.
Qeyd edək ki, bugünkü satış zamanı 544 mənzilin seçimində iştirak edənlərin sayı 4 176 nəfər olub. Bu saata olan məlumata görə seçilmiş 544 mənzilin 228-si vətəndaşlar tərəfindən uğurla imzalanaraq ərizələri təqdim edilib.
***
Lənkəranda mənzillərin satışı bu gün başlayır.
Cenublu.az Mənzil İnşaatı Dövlət Agentliyinə istinadən xəbər verir ki, Sumqayıt Yaşayış Kompleksi və Lənkəran Yaşayış Kompleksi üzrə ümumilikdə 544 mənzilin satışına saat 11:00-da start veriləcək. Satış dekabrın 14-ü saat 11:00-dək davam edəcək.
Yarışda 5 min nəfərin iştirak edəcəyi gözlənilir.
