Azərbaycan Respublikasının Qida Təhlükəsizliyi Agentliyinin əməkdaşları Masallı şəhəri, M.C. Talışxanov küçəsində fəaliyyət göstərən, Quliyeva Şəfa Nəcəfqulu qızına məxsus topdansatış anbarında plandankənar yoxlama keçiriblər.
Cenublu.az xəbər verir ki, yoxlama zamanı normativ hüquqi aktların tələblərinin pozulduğu müəyyən edilib. Belə ki, anbarda mənşəyi məlum olmayan, saxta "Stoliçnaya", "Sevryuga" və "Organic Vodka" əmtəə nişanlı alkoqollu içkilər aşkarlanaraq satışdan kənarlaşdırılıb. Məhsullarla bağlı məhdudlaşdırıcı qərar qəbul edilib.
Faktla bağlı qanunvericiliyin tələblərinə uyğun olaraq inzibati protokol tərtib edilib, məhsullardan nümunələr götürülərək laborator müayinəyə göndərilib.
Hazırda faktla bağlı araşdırma davam etdirilir.
