Masallıda ağacəkmə aksiyası keçirilib.
Cenublu.az xəbər verir ki, Ekologiya və Təbii Sərvətlər Nazirliyinin 11 Saylı Regional Meşə Təsərrüfatı Mərkəzinin təşkilatçılığı ilə "Türk Dövlətləri Milli Ağaclandırma Günü" ilə əlaqədar ağacəkmə aksiyası təşkil olunub. Aksiya çərçivəsində rayonun Yiyən kənd meşəbəyliyinin ərazisinə düşən 16 saylı dolayında 10 mindən çox ağacın əkilməsi həyata keçirilib.
Qeyd edək ki, ağac əkilməsi üçün seçilən ərazi 89 hektardır. Yazda ərazinin 27 hektarında tingləmə işləri aparılıb. İlin sonuna qədər isə qalan ərazidə də göyrüş tinglərinin əkilməsi nəzərdə tutulur. Bugünkü tədbirdə isə 3 hektarda ağacəkininin aparılması qərarlaşdırılıb. 200 nəfərdən çox aksiya iştirakçısının olduğu ağacəkmə kampaniyasında sözügedən nazirliyinin nəqliyyat idarəsinin 1 saylı Lənkəran şöbəsi də iştirak edib.
