Masallıda “Ulu Öndər Heydər Əliyev – Milli-Mənəvi Dəyərlərimiz” mövzusunda tədbir baş tutub. Bu haqda məlumatı Cenublu.az bu gün, 6 dekabr tarixində verir.
Görüşə rayon ağsaqqalları, ziyalılar, din xadimləri, dini icma sədrləri cəlb olunublar.
Tədbirdə Rayon İcra Hakimiyyəti başçısı aparatının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Abbas Abbaszadə, Qafqaz Müsəlmanları İdarəsinin Masallı Bölgəsi üzrə qazısı Rəşid Talıbov, Dini Qurumlarla İş üzrə Dövlət Komitəsinin Masallı bölgəsi üzrə şöbəsinin müdiri Elvin Hüseynli, “Masallı Ziyalıları” ictimai birliyinin sədri Qardaş Fətullayev, Masallı Cümə məscidinin imamı Məftun Hüseynov mövzu ətrafında çıxış edərək dövlət-din münasibətlərində ulu öndərin misilsiz xidmətlərindən bəhs ediblər.
Qeyd edək ki, tədbir Qafqaz Müsəlmanları İdarəsinin, Dini Qurumlarla İş üzrə Dövlət Komitəsinin təşəbbüsü və Masallı Rayon İcra Hakimiyyətinin dəstəyi ilə təşkil edilib.
Yekunda Qafqaz Müsəlmanları İdarəsinin hazırladığı videoçarx təqdim edilib.
