Masallı rayonunun Qızılağac kəndində yanğın baş verib.
Cenublu.az xəbər verir ki, yanğın zamanı evdə olan azyaşlı — 2024-cü il təvəllüdlü Məmmədzadə Məhərrəm Mehman oğlu — alovun içində qalıb.
Onu xilas etmək istəyən babası, 1967-ci il təvəllüdlü Abdullayev Camaləddin Həsənağa oğlu dərhal evə daxil olub. Lakin o, evin giriş hissəsində tüstüdən zəhərlənərək huşunu itirib.
Nəticədə həm baba, həm də nəvə yanaraq faciəli şəkildə həyatını itirib.
Hadisə yerinə aidiyyəti qurumlar cəlb olunub, faktla bağlı araşdırma aparılır.
