Masallı rayonunun Ərkivan qəsəbəsində yanğın baş verib. Bu haqda məlumatı Cenublu.az bu gün, 3 mart tarixində Fövqəladə Hallar Nazirliyinə istinadən verir.
Belə ki, yanğın nəticəsində həyətyanı ərazidə ümumi sahəsi 42 kv.m olan birmərtəbəli tikilinin (dərzi sexi kimi fəaliyyət göstərir) lambirdən ibarət tavanı tamamilə, içərisində 1 ədəd tikiş maşını və materiallar 16 kv.m sahədə yanıb.
Tikilinin qalan hissəsi və bitişik ev yanğından mühafizə olunub.
Yanğın yanğından mühafizə bölmələri tərəfindən söndürülüb.
