Masallıda “Yaşıl dünya naminə həmrəylik ili” çərçivəsində ağacəkmə aksiyası təşkil olunub.
Cenublu.az xəbər verir ki, aksiya Çaxırlı ərazisində Masallı Rayon İcra Hakimiyyəti başçısının Çaxırlı kənd inzibati ərazi dairəsi üzrə nümayəndəliyi və Çaxırlı bələdiyyəsinin birgə təşkilatçılığı ilə keçirilib.
Belə ki, Çaxırlı və Sarıcəfərli kəndləri arasında olan yol boyunca Çaxırlı, Kəlbəhüseynli və Sarıcəfərli kənd orta məktəblərinin dəstəyi ilə ümumilikdə 60 ədəd dəfnə ağacı əkilib. Əkilən ağaclar suvarılaraq, onlara aqrotexniki qulluq göstərilib.
