Masallı şəhərində qaz təchizatında müvəqqəti məhdudiyyət tətbiq olunacaq.
Cenublu.az xəbər verir ki, Masallı şəhəri, Azərbaycan prospekti ünvanında yerləşən polietilen qaz xəttinin 26 metr hissəsinin polad borularla əvəz olunaraq yerüstü xətt kimi çəkilməsi və mövcud qaz xəttinə qoşulması məqsədilə təmir-bərpa işləri planlaşdırılıb.
Bununla əlaqədar 15 aprel tarixində saat 10:00-dan etibarən işlər başa çatanadək Digah və Seybətin kəndləri, eləcə də şəhərin bir hissəsi daxil olmaqla ümumilikdə təxminən 3200 abonentin qaz təchizatının müvəqqəti olaraq dayandırılması nəzərdə tutulur.
