Bu gün Lənkəran Dövlət Dram Teatrının aktyoru, ilk Həmkarlar Təşkilatının sədri, Prezident Mükafatçısı Miraslan Ağayevin doğum günüdür.
Miraslan Əzizəli oğlu Ağayev 18 mart 1958-ci ildə Lerik rayonunun Tikəband kəndində anadan olub. 1975-ci ildə Lənkəran şəhər 2 saylı orta məktəbi bitirib. Həmin ildən Lənkəran Dövlət Dram Teatrına səhnə maşinisti kimi işə qəbul olunub və aktyor kimi də fəaliyyət göstərib. 1979-cu ildən truppaya daxil olub. 1987-1992-ci illərdə teatrda işləyə-işləyə Mirzəağa Əliyev adına Azərbaycan Dövlət İncəsənət İnstitutunda qiyabi təhsil alıb. 1975-ci ildən Lənkəran Dövlət Dram Teatrında aktyor işləyir.
O, Azərbaycan klassiklərinin əsərlərində mühüm rollar ifa edib, həmçinin çağdaş milli dramaturqlarımızın müxtəlif janrlı əsərlərində səhnə obrazları ilə yadda qalıb.
Miraslan Ağayev, həmçinin film və seriallarda da çəkilib.
