Lerik rayonunda avtomobilin dərəyə aşması ilə nəticələnən yol-nəqliyyat hadisəsi baş verib.
Cenublu.az xəbər verir ki, hadisə Lənkəran-Lerik magistralında qeydə alınıb. Astara rayon sakini, 37 yaşlı Elnur Qurbanlının idarə etdiyi "Opel" markalı avtomobil hərəkətdə olarkən idarəetmədən çıxaraq hündürlükdən dərəyə aşıb. Nəqliyyat vasitəsi dərədə ağaca çırpılaraq dayanıb.
Qəza nəticəsində sürücü Elnur Qurbanlı, onun həyat yoldaşı, 31 yaşlı Aidə Qurbanlı, 5 yaşlı övladları Nərgiz Qurbanlı və 37 yaşlı Rəvanə Əliyeva müxtəlif dərəcəli bədən xəsarətləri alıblar.
Yaralılar ətrafdakıların köməyi ilə avtomobildən çıxarılıb. Onlara hadisə yerində ilkin tibbi yardım göstərilib, daha sonra isə Lənkəran Rayon Mərkəzi Xəstəxanasına çatdırılıblar.
İlkin ehtimala görə, qəzaya səbəb yağışlı hava şəraiti olub.
