Lənkəran şəhərinin Axundzadə küçəsi, Qala xiyabanı ərazisinin sakinləri uzun illərdir davam edən zibil problemindən narazıdırlar.
Şikayətçilərin Cenublu.az -a verdikləri məlumata görə, dəfələrlə müraciət etmələrinə baxmayaraq, problem yalnız qısa müddətə həll edilir. Onların iddiasına görə, əraziyə zibil konteynerləri yerləşdirilsə də, bir müddət sonra onlar götürülür və vəziyyət yenidən əvvəlki halına qayıdır.
Sakinlər həmçinin bildirirlər ki, zibil maşını əraziyə həftədə cəmi bir dəfə gəlir, bəzi hallarda isə bu müddət 10 günə qədər uzanır. Vətəndaşlar əhalinin sayı nəzərə alınaraq məhəllədə daha böyük tutumlu konteynerlərin yerləşdirilməsini və ya problemin davamlı həlli üçün uyğun alternativin tətbiqini istəyirlər.
