Lənkəran şəhərinin mərkəzində sahibsiz itlərin sayının artdığı bildirilir.
Cenublu.az xəbər verir ki, xüsusilə vağzal ərazisində sahibsiz itlərin sərbəst hərəkət etməsi sakinlərin narahatlığına səbəb olub.
Vətəndaşların sözlərinə görə, insanların sıx olduğu ərazilərdə, xüsusilə axşam və gecə saatlarında itlərin dolaşması təhlükə yaradır. Bildirilir ki, parklarda və dənizkənarı istirahət zonalarında da sahibsiz itlərə tez-tez rast gəlinir.
Sakinlər bildirirlər ki, bu problem uzun müddətdir davam etsə də, hələ də öz həllini tapmayıb. Onlar məsul qurumları problemin aradan qaldırılması və insanların təhlükəsizliyinin təmin edilməsi üçün təxirəsalınmaz tədbirlər görməyə çağırırlar.
