Lənkəran rayonunda avtomobilin velosipedçini vurması ilə nəticələnən yol-nəqliyyat hadisəsi baş verib.
Cenublu.az xəbər verir ki, qəza rayonun Vilvan kəndi ərazisində qeydə alınıb. "Nissan" markalı avtomobilin sürücüsü hərəkətdə olarkən Vilvan kənd sakini, 66 yaşlı Çərkəz Mürivvət oğlu Rəhimovu vurub.
Ağır xəsarətlər alan velosipedçi təcili olaraq Lənkəran Rayon Mərkəzi Xəstəxanasının Təcili Tibbi Yardım şöbəsinə çatdırılıb. Həkimlərin bildirdiyinə görə, onun vəziyyəti ağır qiymətləndirilir.
Faktla bağlı araşdırma aparılır.
