Lənkəran rayonunda 52 yaşlı kişinin meyiti aşkar edilib.
Cenublu.az -ın verdiyi xəbərə görə, hadisə bu gün səhər saatlarında rayonun Osaküçə kəndində qeydə alınıb. Kənd ərazisində yerləşən tövlədə 1974-cü il təvəllüdlü Ülvi Abdulla oğlu Bayramovun meyiti tapılıb.
Hadisə yerinə hüquq-mühafizə orqanlarının əməkdaşları cəlb olunub. Meyit müayinə olunması üçün aidiyyəti üzrə təhvil verilib.
Qeyd edək ki, Ülvi Bayramov 1-ci Qarabağ müharibəsi iştirakçısı olub.
Faktla bağlı araşdırma aparılır.
