Azərbaycan Respublikasının Kənd Təsərrüfatı Nazirliyi tabeliyində “Aqrar Tədarük və Təchizat” ASC və ZƏFƏR Şəhid Ailələrinə Dəstək İctimai Birliyinin birgə təşkilatçılığı ilə şəhid övladlarının Lənkəran rayonunda yerləşən “Sitrus vadisi”nə ekskursiyası təşkil olunub.
Cenublu.az ZƏFƏR Şəhid Ailələrinə Dəstək İctimai Birliyinə istinadən xəbər verir ki, ekskursiyada 23 şəhid övladı iştirak edib. İştirakçılar ilk öncə bölgədəki sitrus təsərrüfatı barədə ətraflı məlumat əldə ediblər. Daha sonra onlar özləri meyvə yığımında iştirak edərək proseslə daha yaxından tanış olublar.
Günün ikinci yarısında ekskursiya iştirakçıları üçün “Sitrus vadisi” ərazisində əyləncəli oyunlar keçirilib. Sonda isə bütün iştirakçılara hədiyyələr təqdim olunub.
