Novruz Cəfərov 7 yaşında ikən, 1918-ci ildə Nuri Paşanın komandanlığı altındakı hərbi hissə ilə birlikdə Azərbaycana gəlib. Onun əsl adı Əhməd olub. Əhmədin atası - yüksək rütbəli Osmanlı zabiti olan Nemətullah bəy oğlunu əmanət edə biləcəyi bir qohumu olmadığı üçün onu özü ilə bərabər gətirmişdi. Hərbi hissənin İstanbulda başlayan uzun və yorucu səfəri Gəncədə başa çatır. Şəhərə daxil olarkən Əhmədin atası onu uşaq evinə verir. Sonra da Azərbaycanın daxili ərazilərində davam edən döyüşlərdə iştirak etmək məqsədiylə müharibəyə gedir.
Balaca Əhmədin Gəncədəki günləri çox çətin keçir. Uşaq evində qaldığı iki il boyunca heç nə balaca Əhmədi təsəlli etmir.
Bu vaxt Azərbaycan müstəqilliyini elan edir. O zaman doqquz yaşında olan Əhməd atasından xəbər almaq düşüncəsiylə əvvəlcə Bakıya, sonra da İran sərhədinə yaxın olan Lənkəran şəhərindəki uşaq evinə göndərilir. 28 aprel 1920-ci ildə rus ordusu Azərbaycanı yenidən işğal edincə bu vaxta qədər ölkədə qalmış Osmanlı əsgərləri bir-bir, iki-iki İrandan vətənlərinə qayıdırlar. Əhməd atasından xəbər almaq ümidi ilə uşaq evindən qaçaraq İranın Astara şəhərinə gedir. Bir il boyunca atasının izini tapmağa çalışır, lakin heç nəyə nail ola bilmir. O, yenidən Lənkərana qayıdaraq uşaq evində yaşamağa başlayır.
Bolşeviklərin hakimiyyətdə olduğu Azərbaycan torpaqlarında Osmanlı əsgərlərini mühakimə edən məhkəmələr qurulmuşdu.
Atası Nemətullah bəy bütün təhlükələrə baxmayaraq, əsla geri dönmək istəmir. Oğlunu tapmaq məqsədilə paytaxtdan ayrılır və Lənkərana üz tutur. Bir gün Lənkəranın küçələrini dolaşarkən balaca Əhmədin ata fəryadını eşidir və həyatının ən xoşbəxt gününü yaşayır.
Osmanlı zabiti Nemətullah bəy əvvəlcə sovet vətəndaşı Nemət olur. Balaca Əhmədin adı da Cəfərov Novruz olur. Nemətullah bəy tapdığı köhnə bir akkordeon ilə toylarda və bayramlarda ifa edərək çörək pulu qazanmağa başlayır. Lənkəranda akkordeonçu Nemət olaraq ad qazanır. Azərbaycanlı xanım ilə ailə qurur və Novruzun üç qardaşı olur.
Novruz 2006-cı ildə 96 yaşında vəfat edib.
Təqdim etdiyimiz videoda, o, Lənkəranda yaşadıqlarından və talış xalqının mərdliyindən iftixarla bəhs edir.
View this post on Instagram
