Lənkəran şəhər Mədəniyyət Mərkəzində “Bədii əsərlərin kinoda təcəssümü” mövzusunda açıq qapı günü keçirilib. Bu haqda məlumatı Cenublu.az bu gün, 11 oktyabr tarixində verir.
Q.Vəliyev adına Lənkəran şəhər Mədəniyyət Mərkəzinin direktoru Anar Kəkəyevin sədrliyi ilə keçən görüşdə Azərbaycan Yazıçılar Birliyinin (AYB) Lənkəran şöbəsinin nümayəndələri, Lənkəran Dövlət Dram Teatrının, “Masal prodakşn”nın əməkdaşları və digər qonaqlar iştirak ediblər.
Giriş sözü ilə çıxış edən Mədəniyyət Mərkəzinin direktoru Anar Kəkəyev Azərbaycan kinosunun inkişaf yolundan danışıb.
Azərbaycan Yazıçılar Birliyinin Lənkəran Zona Bölməsinin sədri Qafar Cəfərli, Lənkəran Dövlət Dram Teatırın baş rejissoru Anar Sadıqlı, “Masal pordakşn”nın baş direktoru Cəfər Cəfərov və digər çıxış edənlər “Bədii əsərlərin kinoda təcəssümü” adlı tədbirin yüksək mahiyyətə sahib olduğunu vurğulayıblar. Həmçinin mövzu ilə əlaqədar aktual məsələlərə toxunulmaqla gələcəkdə birgə fəaliyyətin davamı olaraq belə maarifləndirmə tədbirlərinin mütəmadi keçirilməsinin zəruriliyi qeyd olunub və bir neçə təkliflər irəli sürülüb.
Qeyd edək ki, tədbir Lənkəran-Astara Regional Mədəniyyət İdarəsinin, Azərbaycan Yazıçılar Birliyinin Lənkəran Zona Bölməsi ilə birgə fəaliyyəti çərçivəsində baş tutub.
[URIS id=46233]
