Lənkəran rayonunun İstisu qəsəbə körpələr evi-uşaq bağçası təhlükəli vəziyyətdədir. Bu haqda məlumatı Cenublu.az bu gün, 12 oktyabr tarixində Apa TV-yə istinadən verir.
Ötən əsrin 40-cı illərində tikilən bina qəzalı vəziyyətə düşüb. 50 ilə yaxın təmir işləri aparılmayan uşaq bağçasında divarlarda çatlar əmələ gəlib, eyvanı isə dağılıb. Valideynlərin sözlərinə görə, yağış suları bağçanın içərisinə dolur. Nəticədə bu vəziyyət əlavə problemlər yaradır.
Sözügedən binaya baxış keçirən aidiyyəti orqanların nümayəndələri İstisu qəsəbə körpələr evi-uşaq bağçası üçün yeni binanın tikilməsini qərara alıblar.
Qeyd edək ki, bina əvvəllər Qonaq evi olub. 1965-ci ildən burada bağça öz fəaliyyətinə başlayıb.
