Dini Qurumlarla İş üzrə Dövlət Komitəsinin sədri oktyabrın 21-də cənub rayonlarından olan vətəndaşları qəbul edəcək.
Cenublu.az Komitəyə istinadən xəbər verir ki, mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə uyğun olaraq, Komitə sədri Ramin Məmmədov Lənkəran, Astara və Lerik rayonlarından olan vətəndaşlarla görüşəcək.
Qəbul saat 11:00-da Lənkəran Mədəniyyət Mərkəzinin inzibati binasında (ünvan: Lənkəran şəhəri, Zərifə Əliyeva küçəsi, 99) keçiriləcək.
Komitənin fəaliyyət istiqamətlərinə uyğun olaraq qəbula gəlmək istəyən vətəndaşlardan Dövlət Komitəsinin Lənkəran regional bölməsinə (əlaqə vasitələri: (050) 380 27 43, (025) 255 39 84, [email protected], [email protected]) müraciət etmələri xahiş olunur.
