Cəlilabad rayonunun Göytəpə şəhərində, şəhid Oktay Eynullayev küçəsində qanunsuz küçə ticarəti ilə bağlı tədbirlər görülsə də, problem hələ də qalır.
Cenublu.az xəbər verir ki, piyadaların hərəkətinə mane olan bəzi qanunsuz ticarət nöqtələri yığışdırılsa da, küçənin bəzi hissələrində, xüsusilə piyada keçidlərinin yaxınlığında piştaxtalar fəaliyyətini davam etdirir.
Sakinlərin sözlərinə görə, işıqforun yaxınlığında taksilərin dayanması da vəziyyəti çətinləşdirir. Nəticədə piyadalar səkidən deyil, avtomobil yolundan istifadə etməyə məcbur qalırlar.
Vətəndaşlar problemin tam həlli üçün nəzarət tədbirlərinin davamlı olmasını istəyirlər.
