Fövqəladə Hallar Nazirliyinin Cənub Regional Mərkəzi “Nəqliyyat qəzaları zamanı xilasetmə əməliyyatları” mövzusunda təlim təşkil edib. Bu haqda məlumatı Cenublu.az bu gün, 25 noyabr tarixində verir.
Belə ki, praktiki təlim çərçivəsində xilasedicilər şərti nəqliyyat qəzası zamanı “zərərçəkmişi” xilas edərək, ilkin yardım göstəriblər.
Təlimin keçirilməsində məqsəd xilasetmə işlərinin təşkili və aparılması qaydaların, həmçinin xilasetmə qrup komandirlərinin hadisə zamanı effektiv idarəetmə vərdişlərinin təkmilləşdirilməsi olub.
Sonda əldə olunmuş nəticələr müzakirə olunub və müvafiq tapşırıqlar verilib.
