Azərbaycan Respublikasının Əməkdar məşqçisi Rafiq Cabbar oğlu Rəsulov bu gün vəfat edib. Bu haqda məlumatı Cenublu.az 14 oktyabr tarixində verir.
Rafiq Cabbar oğlu Rəsulov 30 sentyabr 1944-cü ildə Masallı şəhərində anadan olub. O, 1987-ci ildə “Məhsul” İdman Cəmiyyətinin İdman məktəbinə direktor təyin olunub. Elə həmin il “Məhsul” Mərkəzi şuranın voleybol Çempionatının qalibi adına layiq görülüb və komandanın 12 üzvünə “SSRİ İdman ustalığına namizəd” idman dərəcəsi verilib.
1990-cı ildə “Viləş” futbol klubunun sədri seçilib. 1991-1998-ci illərdə Masallı rayon İcra Hakimiyyətində müxtəlif vəzifələrdə işləyib.
Onun 1999-cu ildə rəhbərlik etdiyi gənclərdən ibarət voleybol komandası Azərbaycan Spartakiadasının qalibi olub.
2001-2006-cı illərdə Masallı rayonunun gənclərdən ibarət voleybol komandası 6 dəfə Azərbaycan Çempionu adına layiq görülüb.
O, 2004-cü ildə Azərbaycan Respublikasının Əməkdar məşqçisi, 2013-cü ildə Azərbaycan Respublikasının Fəxri Bədən tərbiyəsi və İdman İşçısi fəxri adlarını alıb.
2011-ci ildə voleybol idman növündə əldə etdiyi nailiyyətlərə görə Azərbaycan Voleybol Federasiyasının xüsusi mükafatına layiq görülüb.
