Dövlət Sosial Müdafiə Fondunun İdarə Heyətinin sədri vətəndaşları qəbul edəcək. Bu haqda bu gün, 6 mart tarixində Cenublu.az Dövlət Sosial Müdafiə Fonduna istinadən xəbər verir.
17 mart saat 10:00-da keçiriləcək görüşdə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun idarə heyətinin sədri Himalay Məmişov vətədaşların təklif və iradları ilə maraqlanacaq. Lerikdə baş tutacaq tədbirdə Lerik və Astara rayonlarından olan vətəndaşlar iştirak edə biləcəklər.
Pensiya, sosial müavinətlər, ünvanlı dövlət sosial yardımı və fərdi uçotla bağlı sualınız varsa, martın 10-dək fondun Lerik və Astara rayonlarında yerləşən qəbul şöbələrinə müraciət etməklə və ya (055) 912-34-22 telefon nömrəsinə zəng edib, [email protected] elektron ünvanına yazıb, eləcə də DSMF-nin sosial şəbəkə hesabları vasitəsilə müraciət edib qeydiyyatdan keçməklə qəbula yazıla bilərsiniz.
