Birinci Qarabağ müharibəsində Cəlilabad batalyonunun tərkibində döyüşmüş Cəlilabad rayonunun Adnalı kənd sakini Sarvan Baxşıyevə 30 ildən sonra veteran statusu verilib.
Cenublu.az-ın məlumatına görə, müharibə zamanı batalyonun bir çox üzvü şəhid olduqdan və itkin düşdükdən sonra o, döyüş yolunu digər hərbi hissələrdə davam etdirib.
Onun döyüş fəaliyyəti ilə bağlı verdiyi müsahibədən sonra müvafiq dövlət qurumları tərəfindən arxiv sənədləri əsasında araşdırma aparılıb. Araşdırmanın nəticəsində Sarvan Baxşıyevə veteran statusu təqdim olunub.
Qeyd edək ki, Sarvan Baxşıyev uzun illərdir neft sahəsində çalışır.
