Cəlilabad rayonundan olan şagirdlər Respublika Fənn Müsabiqəsində (RFM) uğurlu nəticələr əldə ediblər.
Cenublu.az xəbər verir ki, bu barədə Lənkəran-Astara Regional Təhsil İdarəsinin Cəlilabad rayon təhsil sektorunun müdiri İlkin Zeynalov məlumat verib.
Məlumata görə, Cəlilabad rayonunun Xanəgah kənd tam orta ümumtəhsil məktəbinin VII sinif şagirdi Zəhra Süleymanlı biologiya fənni üzrə qızıl medala layiq görülüb.
Qeyd edək ki, məktəbli ötən tədris ilində də Respublika Fənn Müsabiqəsində Cəlilabadı təmsil edərək bürünc medal əldə etmişdi.
Digər uğur sahibi isə Cəlilabad şəhəri Rəşad Abdullayev adına 2 nömrəli tam orta ümumtəhsil məktəbinin VII sinif şagirdi Yusif Əliyev olub. O, kimya fənni üzrə bürünc medal qazanıb.
