Bu gün Vətən müharibəsi şəhidi Musa Əsgərovun doğum günüdür.
İşğalçı düşmənin kabusuna çevrilən "Paşam" ləqəbli baş leytenant Musa Əlifağa oğlu Əsgərov 1997-ci ildə fevralın 17-si Cəlilabad rayonunun Sabirabad kəndində doğulub.
Vətən müharibəsi zamanı Murovdağ döyüşlərində, həmçinin Cəbrayılın azadlığı uğrunda gedən döyüşlərdə iştirak edib. Sentyabrın 28-də Cəbrayıl rayonunun Cəfərabad kəndində kəşfiyyatda olarkən həlak olub. Nəşi 4 gün düşmənin nəzarət etdiyi ərazidə qalıb.
2 oktyabr tarixində Cəbrayıl uğrunda gedən döyüşlərdə onun nəşi döyüş meydanından götürülərək ailəsinə təhvil verilib.
Ölümündən sonra "Vətən uğrunda", "İgidliyə görə" və "Kəlbəcərin azad olunmasına görə" medalları ilə təltif edilib.
