Cənub bölgəsində ilk peşəkar animasiya filmi hazırlanıb.
Cenublu.az xəbər verir ki, uşaqların erkən yaşda peşələrə maraq göstərməsi və milli dəyərlərə bağlı böyüməsi məqsədilə Lənkəran Dövlət Peşə Təhsil Mərkəzinin əməkdaşları tərəfindən hazırlanan "Sehrli peşəm" animasiya filminin ilk seriyası təqdim edilib.
Filmin rejissoru İntiqam Hacılı, prodüseri Afər Kərimov, animatoru Ayaz Xalıqlı, texniki dəstək üzrə Aytəkin Xalıqlı, rəssamı Nərgiz Baxşızadə, ssenari müəllifi Şəfayət Şəfinin əməyi nəticəsində ərsəyə gələn bu film cənub bölgəsində hazırlanan ilk peşəkar animasiya filmi olaraq diqqət çəkir.
Filmin yaradıcı heyətinin sözlərinə görə animasiya hazırlamaq adətən maliyyə baxımından bahalı bir proses olsa da, "Sehrli peşəm" minimal büdcə ilə ərsəyə gətirilib. Filmin məqsədi təkcə uşaqlara əyləncə təqdim etmək deyil, həm də onların müxtəlif peşələrə marağını artırmaq, gələcəkdə öz arzu və qabiliyyətlərini müəyyənləşdirmələrinə kömək etməkdir.
Yaradıcı komanda layihənin formalaşma prosesini və çətinliklərin öhdəsindən gəlmə yollarını bölüşərək, gələcəkdə daha çox bu cür təşəbbüslərin həyata keçirilməsini ümid edir.
"Sehrli peşəm" animasiya filmi yeni seriyaları ilə daha çox izləyicinin marağını qazanmağı hədəfləyir.
