Cənub regionunun çaylarından sel keçəcək.
Bu barədə Oxu.Az-a Milli Hidrometeorologiya Xidmətinin rəsmisi Gülnarə Abbasova bildirib.
O qeyd edib ki, cənubda yağıntılı hava şəraiti oktyabrın 27-si günün ikinci yarısınadək davam edəcək, Lənkəran-Astara zonasında yağıntılar leysan xarakterli intensiv olacaq, şimşək çaxacaq, dolu düşəcək, dağlıq ərazilərdə qar yağacaq:
“Gözlənilən leysan xarakterli yağıntılarla əlaqədar çaylarda sululuğun artacağı, Böyük və Kiçik Qafqazın, o cümlədən Lənkəran-Astara bölgəsinin bəzi çaylarından qısamüddətli daşqın və sel keçəcəyi ehtimal olunur".
