Cəlilabad sakinləri Qusarda göbələkdən zəhərləniblər. Bu haqda məlumatı Cenublu.az bu gün, 14 oktyabr tarixində Report.az-a istinadən verir.
Hadisə Qusar rayonunun Mirzə Vəliyev küçəsində yerləşən evlərin birində qeydə alınıb. Burada kirayədə yaşayan Cəlilabad rayon sakinləri – 42 yaşlı Zeynalov Şamil Yusif oğlu, 47 yaşlı Zeynalov Sabir Yusif oğlu və şəxsiyyəti hələ dəqiqləşdirilən şəxs evdə yedikləri göbələkdən zəhərləniblər.
Nəticədə Sabir Zeynalov və digər bir nəfər ölüb. Şamil Zeynalov isə xəstəxanaya yerləşdirilib.
Faktla bağlı araşdırma aparılır.
Qeyd edək ki, Sabir və Şamil Zeynalovlar qardaş olublar. Onlar Qusar rayonuna işləmək üçün gediblər.
