Bu gün, 14 oktyabr tarixində Azərbaycan Silahlı Qüvvələrinin əsgəri, Vətən müharibəsi şəhidi İbrahim Rasif oğlu Rükabzadənin doğum günüdür.
İbrahim Rükabzadə 2000-ci ildə Masallı rayonunun Boradigah qəsəbəsində anadan olub. 2006-2017-ci illərdə Nizami Gəncəvi adına Boradigah qəsəbə 1 saylı tam orta məktəbində təhsil alıb. Orta məktəbdə təhsil alarkən, eyni zamanda qəsəbədə təşkil olunmuş Quran oxuma dərslərində də fəal iştirak edən İbrahim 2012-ci ilin sentyabr ayında Məşhəd ziyarətində olub.
İbrahim Rükabzadə 8 aprel 2019-cu ildə hərbi çağırışla xidmətə yollanıb. Əsgərliyini Goranboy rayonu, Aşağı Ağcakənd kəndinin "N" saylı hərbi hissəsində keçirib. 2 iyun 2019-cu ildə Xüsusi Təyinatlı Qüvvələrə qatılıb.
İbrahim Rükabzadə Vətən müharibəsi zamanı Cəbrayıl, Zəngilan, Qubadlı və Xocavəndin alınmasında da iştirak edib.
21 oktyabr 2020-ci ildə Xocavənd rayonunda şəhid olub. Masallı rayonunun Boradigah qəsəbəsində dəfn edilib.
Ölümündən sonra “Vətən uğrunda”, "Şücaətə görə", "Cəsur döyüşçü", "Vətən uğrunda", "Füzulinin azad olunmasına görə", "Xocavəndin azad olunmasına görə", "Kəlbəcərin azad olunmasına görə" medalları və "Azərbaycan Bayrağı" ordeni ilə təltif olunub.
