Biləsuvar rayonunda dəm qazından zəhərlənmə hadisəsi baş verib.
Cenublu.az xəbər verir ki, hadisə rayonun Ağalıkənd kəndində qeydə alınıb. 1992-ci il təvəllüdlü Xuraman Rauf qızı Məmmədova yaşadığı evin hamam otağında huşsuz vəziyyətdə aşkarlanıb.
O, dərhal Biləsuvar Rayon Mərkəzi Xəstəxanasının təcili yardım şöbəsinə hospitalizasiya olunub. Qadına ilkin tibbi yardım göstərildikdən sonra vəziyyətinə uyğun olaraq reanimasiya şöbəsinə yerləşdirilib.
