Azərbaycanda ilin əvvəlindən ölkə əhalisinin sayı 28833 nəfər və ya 0,3 faiz artıb.
Report xəbər verir ki, bu barədə məlumatı Dövlət Statistika Komitəsi açıqlayıb.
Belə ki, 2024-cü il sentyabr ayının 1-i vəziyyətinə əhalinin sayı 10 209 603 nəfərə çatıb. Bildirilib ki, əhalinin ümumi sayında şəhər əhalisinin xüsusi çəkisi 54,5 faiz, kənd əhalisinin xüsusi çəkisi 45,5 faiz, kişilərin xüsusi çəkisi 49,8 faiz, qadınların xüsusi çəkisi isə 50,2 faiz olub.
